Jæja, þá er allt að gerast! Einkunnirnar eru komnar! Þær voru að vísu ekki jafn góðar og í miðannarprófunum en það er mjög líklega því að kenna að mér gekk hörmulega bæði í líffræði og jarðfræði prófunum, en þær eru allavega svona

Eðl 203 -  9
Stæ 503 - 9
Dan 203 - 8
Líf 103 -   8
íþr 111 -   8
Ísl 403 -    7(hélt nú að ég myndi fá meira fyrir öll plakötin sem ég gerði Ha Þorgerður?)
Jar 103 -  7
fra 203 -   6(það var nú bara kraftaverk að ég skyldi ná þessu utanskóla )

En ég náði þó allavega öllu þó ég sé ekkert rosalega ánægð með þessar einkunnir, það skiptir heldur ekki máli, því ég á eftir að gleyma öllu um þær í awesome bústaðarpartýinu hjá Lenu og Fjólu í kvöld

En ég vil bara þakka öllum samnemendum mínum fyrir önnina, og óska þeim sem eru að útskrifast til hamingju

ÞAÐ ER KOMIÐ SUMAR!
Kv. Sunna

Hæhæ.
Hér sit ég í vinnunni, og það er ekkert að gera svo ég ákvað bara að skrifa nokkrar línur í bloggið okkar Við verðum nú að fara að koma með myndir, því annars nennir enginn að skoða síðuna!
Siggi er farinn á kárahnjúka og hann ætlar að vera að vinna þar í sumar. Hann fer í 5 daga frí eftir 10 daga, svo ég þarf ekki að bíða svo lengi! En ég er byrjuð að vinna á fullu í sundlauginni, og Hanna heldur áfram í skaffó meðan Elísa kúldrast enn í sjúkrahúsinu, það styttist óðum í utanlandsferðina og ég held ég sé ekki ein um það að geta varla beðið! Það styttist líka í mánaðarmótin, en þá fæ ég pening og ætla að skella mér í plokkun og litun og jafnvel lita á mér hárið, það er þá eitthvað að hlakka til! En ég ætla að fara að gera eitthvað að gagni meðan ég bíð eftir að við lokum
Bæbæ.
Kv Sunna

Hæhæ..
Mér hundleiðist, er í eyðu og nennti ekki að fara að sofa. Hef ekkert að gera nema spjalla við Kristján því að Xbox live er niðri og hann kemst ekki í Halo!
En nóg um það. Ég er ekki frá því að ég sé komin með vinnu í sumar, en það er í sundlauginni. Ég ætla að reyna að vinna mjög mikið í sumar því ég tek tveggja vikna frí í endann á sumrinu.. til að fara til MALLORCA! Oh, það verður æðislegt
Tónlistarklúbburinn var með tónleika á mælifelli á fimmtudaginn og mér til mikillar ánægju komu strákarnir og spiluðu þar, svo ég fékk aðeins að hitta þá. Reyndar bara smá því Oddur fór snemma heim, en Almar gisti hjá mér og við fórum á barinn um kvöldið svo það var ágætt
Á föstudaginn slappaði ég svo bara af með Sigga, og á Laugardaginn var ég roosalega dugleg að læra, og skellti mér svo á konukvöld um kvöldið. Það var ágætt, nema að þar voru flestar konurnar mjöög drukknar og höfðu mikil læti svo maður heyrði ekkert í skemmtiatriðunum. Það er svoldið lame þegar maður er bláedrú. En þetta var vel heppnað kvöld annars, góður matur og fordrykkur, og snyrtivörur handa öllum og happdrætti. Ég nennti samt ekki á ball svo ég skottaðist bara heim til Sigga eftir þetta og við horfðum á CSI eða eitthvað
En hef ekki meir að segja.... BÆ

Hæ lovers!
Ég átti afmæli á laugardaginn og hélt bara lítið partý fyrir svona bestu vinina .. hehe! En það var allavegana geggjað gaman að fá alla strákana í heimsókn og náttúrulega endalaust gaman að fá litlu grænmetisætuna mína sem ég var ekki búin að sjá svoo lengi!! ;* Svo tók ég bóklega í gær oog ég náði! Tek svo verklega næsta miðvikudag, píínu stressuð fyrir það því eins og þeir sem þekkja mig vita er ég ekkert svakalega góð að keyra haha! Var samt alveg þvílíkt svekkt og pirruð þegar mér var sagt að það ætti að fresta þessu einu sinni enn.. en jæja verð bara að líta á björtu hliðarnar, meiri tími til að læra undir verklega =)

Við ætlum á akureyri á laugardaginn.. eftir vinnu hjá mér! Fá gistingu hjá strákunum á vistinni, fara á söngvakeppnina(áfram ingunn!!;*) og svo á eitthvað djamm!
Og annars er bara ekkert að ske.. Andri er að verða búinn að vera útá sjó í þrjár vikur! Ekki búin að sjá hann þvílíkt lengi og aldrei símasamband... það er ömó
Svo þegar ég næ bílprófinu ætlum við Sunna að gera eitthvað skemmtó, fara í roadtrip eða eitthvað... Vá það er endalaust lítið eftir af skólanum og svo er bara vinna í tvo mánuði og fara svo til Mallorca! það verður best.. get ekki beðið eftir að komast í þetta ::

Í gær átti Hanna afmæli og varð 17 ára! Til hamingju sætasta ;*
Hún hélt afmælisparty á föstudaginn og það eru komnar nokkrar myndir frá því inn hérna til hliðar, undir nafninu "frá lenu"
En já.. Til hamingju með afmælið Hanna og gangi þér vel í bílprófinu!!!
Ví lovja.
Elísa og Sunna

vá við sökkum að gera eitthvað á þessa síðu. verðum að fara að taka myndir.. af okkur í singstar! talandi um singstar þá elska ég að vera í singstar með sigga, hann er það fyndnasta í þessum garði og þó víðar væri leitað! við þrjú horfðum á hrylló í gær og svo voru sunna&siggi að segja mér draugasögu. Sunna sagði mér eina á ensku sem fjallaði um lítið barn sem kunni ekki að labba en var samt að hlaupa frá manni og svo náði hann barninu og það slapp en hann "killed its mother with a stick in her head" og lét barnið vinna sem þræl í garðinum sínum! Siggi sagði bara draugasögu sem var ekki svo hræðileg, hann vildi samt segja hana aftur og aftur..  þau eru svo vitlaus



ég á afmæli næstu helgi ég fæ samt ekki bílprófið strax. tek verklega 9unda Það fer samt að styttast í að kæróarnir okkar Sunnu fái aftur bílpróf. Siggi fær 6maí og Andri eitthverntímann snemma í júní ;] svoo er bara alveg að koma sumar sem er best.

það addaði einhver lítil stelpa mér á msn áðan. Hún er sko fjórtán ára og hún heldur að ég hafi verið að strippa fyrir kærastann hennar í webcam (sem er líka 14 ára) og að ég hafi kysst hann í kringlunni rétt fyrir jól. haha. Og ég var að reyna að útskýra henni að ég væri nú 17 ára og myndi ekki fara að barnaperrast í einhverjum ófermdum drengjum og ætti kærasta og hefði ekkert verið í kringlunni rétt fyrir jól og þá sagði hún "já hann var að reyna við þig, ekki þú við hann". hehehe. ég allavegana gerði ekkert af þessu sem stelpan talar um og núna eru öll lítil börn á landinu að adda mér á msn. fjandans.
heimski strákur að ljúga svona að kæró sinni.

eeen ég nenni ekki að gera meira. ég ætti víst að vera að læra undir bílprófið sem er á miðvikudaginn eða að taka til í herberginu. bææ

En nóg um það.
Í kvöld er söngvakeppnin. Mér finnst það eiginlega skemmtilegasta kvöldið af þessum sem eru í boði í skólanum, finnst svo gaman að horfa á þá sem þora að fara upp á svið og syngja fyrir framan allan skólann! Ég gæti það aldrei. Ég reyndi einu sinni að taka þátt í söngvakeppni með Lenu í grunnskóla, en hætti við kvöldið áður en keppnin var og skildi Lenu eina eftir að syngja dúett!

Shit . Ég vaknaði við það að það flaug fugl á gluggan hjá mér, og eins og þeir sem þekkja mig vita er ég mjög hrædd við fugla og ég gat ekki sofnað aftur. En ég er eiginlega viss um að þetta hafi verið drauga-fugl því klessan var á glugganum en það lá enginn fugl á jörðinni! Ég vona bara að kötturinn sem er alltaf að þvælast í garðinum hafi étið hann. Ég þoli ekki fugla. Ég er líka viss um að fuglarnir velja sér alltaf glugga sem ég er fyrir innan til þess að fljúga á! Það er ekki eðlilegt hvað þetta gerist oft hjá mér! Arg!

Gleðilega páska! <3

þetta er hanna en ekki sunna. það bara signast alltaf inná hennar þegar ég ýti á vefstjórn. sunna prakkari.

allavegana ætlaði ég ekki að segja neitt, bara reyna að lífga aðeins uppá þessa síðu. Við erum ekki búin að gera neitt í páskafríinu. bara sitja heima og vera feit. Sunna fór á hvolsvelli. en kom heim í dag loksins

BÆ.



okkur þykir gaman að vera með í kengúrustökkinu og að skoða vefinn.
kveðja frá 7unda bekk.
hahahaha

Hún á afmæli í dag,
hún á afmæli í dag,
hún á afmæli hún elísa,
hún á afmæli í dag

hún er nítján ára í dag,
hún er nítján ára í dag,
hún er nítján ára hún elísa,
hún er nítján ára í dag!!!





jájájá þið lásuð rétt! Elísa Ósk Línadóttir er 19 ára í dag. ástæðan fyrir því að þið sáuð hana ekki á djamminu í gær er sú að hún stakk af til vestfjarða! een hún kemur heim fyrir páska svo þá getið þið knúsað hana! til hamingju beibí. lovjú;*

þínar BESTU vinkonur,
Hanna&Sunna.

Ég er komin heim til mín og það er best í heiminum. Kom á miðvikudaginn og fór á  árshátíð grunnskólans á fimmtudagskvöldið. Það var gaman að sjá hvað leikritin hjá krökkunum voru flott og Anton Líni var flottasta hlutverkið, hann var að leika rauðhettu. Sömu rauðhettu og ég lék í fjórða bekk. Það var rosalega flott hjá honum...

vá ég elska boston legal lagið. maður byrjar alltaf að dilla bossanum þegar það er verið að auglýsa boston legal í sjónvarpinu! goosh. ef einhver á þetta lag eða frekar "stef" má hann senda hehe

148 dagar í mallorca
25 dagar í afmælið mitt og bílprófið
5 dagar í afmælið hennar Elísu.. een hún verður ekki hér
2 dagar í kæró
3 dagar í páskafrí

úú.. það er svo stutt í allt! það er gaman!!

Ég,Sunna&Siggi vorum ein heima um helgina og við elduðum alveg þvílíkt góðan mat, hefði aldrei dottið í hug að við værum svona góðir kokkar! grilluðum lambakjöt og gerðum sósu og allt.. Og svo horfðum við auðvitað á gettu betur og ofcourse sigraði Björn Reynir.. vorum orðin pínu stressuð þarna í endann, svo taka þeir MA tótallí í bossann á næsta föstudag.. ÁFRAM MR!!! Og svo skáluðum við fyrir sigri MR með kampavíni, reyndar ekki fyrr en á laugardaginn.. föstudagskvöldið var frekar rólegt þar sem ég var að fara að vinna daginn eftir! ég,sunna,siggi&bragi tókum svo geggjað bíómyndamaraþon í þynnkunni á sunnudaginn, horfðum á þrjár myndir í röð eða eitthvað hehe...
En já éég er hætt. nenni ekki meiru! bæbæ;*



hahhaha vá! ég elska webcamið mitt, uppáhalds leikfangið mitt þegar mér leiðist

Hæhæ.
Það er kominn tími til þess að ég bloggi....
Nú er ég loksins búin að fá allar miðannar einkunnirnar mínar og þær eru svona:
stæ 503 -  9
eðl 203 -  9
líf 103 -    9
dan 203 - 9
jar 103 -  9
ísl 403 -   8
íþr 111 -  8
fra 203 -  5 (það er ekki hægt að læra frönsku utanskóla)

Ég er bara mjööög ánægð, nema auðvitað með fimmuna í frönsku en það skiptir ekki miklu

Ég vil minna alla á gettu betur kl 20.20 í kvöld þar sem MR tekur á móti Borgó og það verður nú sjón að sjá Björn Reynir og Sturlu í sama þættinum! Þau eru alveg frábær saman
Það verður allavega gettu betur party heima hjá mér. Það eitt get ég fullyrt.
En að máli málanna: Þá eru ekki nema 4 kennsluvikur eftir af skólanum ( + páskafrí og próf ) sem þýðir að það er alveg að koma sumar! Ég get ekki beðið eftir að komast burt úr kuldanum og skemmta mér með bestu vinum mínum á Mallorca Já en þangað til það verður þá held ég mig bara heima og spila Black Jack á Facebook.

Takk fyrir mig.
Sunna durgur